Berriak

(#COVID19) EL SALVADOR: Estrategiak indarkeria matxistaren aurrean
4 maiatza, 2020
Gure laguntza Hiritarron Harrera Sareari Covid19ak eragindako krisian
13 maiatza, 2020
Dena ikusi

(#COVID19) INDIA: Baztertzea jasaten duten emakume eta neskei babesa eta pandemiaren eraginari buruzko ‘online’ bilerak


Indiak alarma egoeran jarraituko du, printzipioz maiatzaren 31 arte, nahiz prozesua arintzeko hainbat neurri abian jarri dituzten. “Itxiera neurrien lasaitzea” esaten diote han.

CREAn, Indiako tokiko bazkideetakoa dugun erakundean, argi dute: “”Gure osasun kolektiboarentzat eta giza eskubideentzat aurrekaririk gabeko erronkan gaude, zailtasunek markatuta”. Egoera dela eta, CREAk hainbat erabaki hartu ditu lanean jarraitu ahal izateko eta bere langileen osasuna eta ongizatea ziurtatzeko.

Ardatz programatikoak eta arloei laguntzea

“Elkarlanean gabiltzanekin luze hitz egiten egon gara egoera emergenteak hobeto ulertzeko eta behar larrienak identifikatzeko” esan digute Indiatik. CREAk lan egiten duen barrutietan zaurgarritasun askori egin behar zaie aurre, ostrazismoa eta gizarte estigmak tarteko. Hala, indiar gizartearentzat Covid19a shock sakona eragiten ari bada, CREAk lan egiten duen lekuetan eragina are eta handiagoa izaten ari da bakartze kontuetan, janari eskasian, bizibideen galeran eta informazio, baliabide, mugikortasun eta oinarrizko zerbitzuen eskuratzeko.

Batzarrak eta aurrez aurreko bilerak mugagabe atzeratu dituzte, baina onlineko aukerak aztertzen ari dira jarduerekin nolabait jarraitu ahal izateko. Bitartean, honako neurri  hauek hartu dituzte laguntzen dituzten pertsonen eta komunitateen beharrei erantzuteko:

  • Bertako hizkuntzetan informazio orriak egitea Covid19ari buruzko informazio ulergarri eta zehatza komunitate baztertuei helarazteko.
  • Dauden funtsak berresleitzea lanean diarduten eremuetako emakume eta neska baztertuek jasaten dituzten behar eta eskasia zehatzei erantzuteko.
  • Indian egoitza duten gure entitate laguntzaileen funtsetatik ekarpena egitea emakume eta neska baztertuen aldeko erantzun planifikatuak laguntzeko, barne hartuta sexu langileak, sexu eta genero gutxiengoak, hala nola desgaitasuna duten emakumeak.
  • Covid19ari buruzko online elkarrizketa seriea antolatzea izurriaren eragina aztertzeko lan egiten dugun barrutietan, eta pandemia baten aroan “funtsezkoa” denaren politika esploratzeko Hego globaleko zientzialari sozialekin.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude